Nortzuk gara

4GUNE Euskadiko Ingeniaritza, Zientzia eta Teknologiako Unibertsitate Hezkuntzako Klusterra da. Eusko Jaurlaritzako Hezkuntza Sailak gidatu eta bultzatutako ekimen bat da, eta EAEko unibertsitate sistemako hamaika zentro ditu partaide. Horko kide dira, halaber, Basque Industry 4.0 pilotaje taldea, Innobasque EAEko Berrikuntza Agentzia, CONFEBASK EAEko Enpresa Konfederazioa eta horren bazkideak (ADEGI, CEBEK eta SEA), SPRI eta Automotive Intelligent Center (AIC).

Eusko Jaurlaritzako Hezkuntza Saileko Unibertsitate eta Ikerketako Sailburuordetzako Unibertsitate Politika eta Koordinazioko Zuzendaritzari dagokio klusterraren presidentetza. Bestalde, jarduketen dinamizazioa, sistemaren modelizazioa eta RIS3 espezializazio estrategiarekiko lerrokatzea, besteak beste, idazkaritza teknikoaren lanak dira, eta Euskampus Fundazioak egiten ditu.

Kluser gisa, helburu du Euskadiko unibertsitatea+enpresa lankidetza indartzen laguntzea Euskadiko RIS3ren agertoki berrian, eta lankidetza ereduak eta kosorkuntzako mekanismoak sustatu eta ezartzea. 4GUNE klusterraren lehen urteak, batik bat, 4.0 industriara bideratu dira, baina Euskadiko RIS3ren lehentasunezko arlo guztietan inpaktua izatea du asmo.

UPV/EHU

Bilboko Ingeniaritza Eskola

Ingeniaritzako lau eskola batzen dira bertan, eta 100 urte baino gehiagoko historia du; hertsiki lotuta dago enpresa munduarekin eta merkatuaren premietara egokitutako prestakuntzarekin.

UPV/EHU

Farmazia Fakultatea

Fakultate gaztea da, eta ikerketa jarduera trinkoa du, zeina finkatzen joan baita eta aitorpen gehiago eskuratzen, unibertsitateko elkartearen barruan eta gizartearen kanpoko proiekzioan eta eremu profesionalean.

UPV/EHU

Gipuzkoako Ingeniaritza Eskola

Bi ingeniaritza eskola batzen dira bertan, eta kudeaketaren antolaketan eta kalitatean ematen duen orientazioak ematen dio ospea, erakunde publiko eta pribatuekin dituen etengabeko aliantza eta lankidetza sare zabala duena.

MONDRAGON UNIBERTSITATEA

Goi Eskola Politeknikoa

Gizarte hobea eta bidezkoagoa eraikitzeko, Mondragon Taldeari lotuta dagoen eskola honek ibilbide ezaguna du prestakuntza dualean, nazioartekotzea nabarmentzekoa da, eta kooperatiba izaera eta inguruneko enpresen epe ertain-luzeko premietara bideratutako ikerketa.

IMH

IMH, Makina Erremintaren Institutua

Fabrikazio Aurreratuaren eta enpresentzako teknologia eta antolamendu berrikuntzako zerbitzuetan unibertsitateko prestakuntza duala ematen duen institutu espezializatua eta aitzindaria.

DEUSTUKO UNIBERTSITATEA

Ingeniaritza Fakultatea

Fakultateak irakaskuntzako metodologia oso praktikoaren, dinamikoaren eta parte hartzailearen aldeko apustua egiten du, ezagutza praktikoen maila altua bermatzeko, kontuan izanik hori ezinbestekoa dela lanbide garapenerako eta etorkizuneko gizartearen bilakaerari bide emateko ikerketarako.

UPV/EHU

Informatika Fakultatea

Erreferentziazko zentroa da informatikako eta konputazio zientzietako prestakuntzarako ezagutza tekniko/zientifikorako. “Proiektuetan oinarritutako ikaskuntza” metodologiak erabiltzeagatik eta ikerketara bideratutako orientazioagatik da nabarmena.

UPV/EHU

Kimika Fakultatea

Kimika Fakultateak ezagutza zientifiko eta teknikoaren ezagutza arlo asko hartzen ditu, natur zientzietara bideratuta eta, bereziki, kimikarekin eta materialekin, eta nazioartean ezaguna den ikerketa ibilbidea du.

TECNUN

Tecnun, Ingeniaritza Eskola

Eskola Nafarroako Unibertsitateari dagokio; irakaskuntzaren, ikerketaren eta gizartearentzako zerbitzuaren arteko orekari eutsi eta ikerketa jarduera garatzen du, Gipuzkoako Ikasketa Zentroko eta Ikerketa Teknikoetako ikertzaileekin lankidetzan.

UPV/EHU

Vitoria-Gasteizko Ingeniaritza Eskola

Ingeniaritza eskola nazioarteko zenbait sareren kide da, eta sariak jaso ditu kudeaketa aurreratuko ereduagatik eta Estrategiaren, ikasleen, pertsonen, gizartearen eta berrikuntzaren analisiagatik.

UPV/EHU

Zientzia eta Teknologia Fakultatea

Fakultatean ezagutza zientifiko-teknikoko 35 arlo baino gehiago batzen dira, eta bertan batzen da Euskadiko I+G+b jarduerarako baliabide gehien; erreferentea da gure gizartearen erronka nagusi batzuen aurrean funtsezko eginkizuna betetzeko gai diren profesionalen prestakuntzan.

BESTE ERAGILE SOZIOEKONOMIKO BATZUK

AIC-Automotive Intelligence Cente

AIC-Automotive  Intelligence  Center,  automobilgintzaren  sektorerako  balioa  sortzeko  zentroa,  berrikuntza  irekiko  kontzeptuan  oinarrituta;  bertan,  enpresek  lehiakortasuna  hobetzen  dute,  elkarlanean  oinarrituta.  Merkatuko  orientazioaren  bitartez,  ezagutza,  teknologia  eta  industria  garapena  integratzen  ditu  egitura  berean.

BESTE ERAGILE SOZIOEKONOMIKO BATZUK

Euskal Enpresarien Konfederakuntza (Confebask)

Euskal  Enpresarien  Konfederakuntza  (Confebask),  euskal  enpresarien  interes  orokorrak  eta  baterako  interesak  ordezkatzen  eta  defendatzen  dituen  erakundea  da,  eta  horien  legezko  ordezkari  da  administrazioaren,  sindikatu  erakundeen,  profesionalen  eta  Euskadiko  iritzi  publikoaren  aurrean.

BESTE ERAGILE SOZIOEKONOMIKO BATZUK

Innobasque

Innobasque  irabazi  asmorik  gabeko  erakunde  pribatua  da,  eta  sozietate  zibila  eta  enpresak  jaso  ditu  eta  berrikuntza  du  ardatz.  Hori  baita  gizarte  eta  ekonomiaren  eraldaketaren  eragilea,  Euskadi  jasangarriagoa  lortzeko,  eta  gakoa  da  Euskadiko  gizarte,  ekonomia  eta  ingurumen  erronka  handiei  aurre  egiteko  irtenbide  berritzaileak  eraikitzeko.

BESTE ERAGILE SOZIOEKONOMIKO BATZUK

SPRI-Eusko Jaurlaritzaren enpresa garapenerako agentzia

Euskal enpresek SPRI Taldean dauzkate behar dituzten tresnak nazioartekotzeko, ekiteko, finantzatzeko, lurzoru industriala aurkitzeko, teknologia berriak aplikatzeko, berritzeko edota Industria berrian, hots, Basque Industry 4.0 testuinguruan sartzeko. Gainera, Eusko Jaurlaritzak agentzia honi eman dio atzerriko inbertsioak erakartzeko eta ahalbidetzeko ardura, Invest in the Basque Country zerbitzuaren bitartez.

Basque Industry 4.0

Basque Industry 4.0 ekimenak helburutzat du teknologia adimendunak sartzea euskal enpresa eta industrien bitarteko eta produkzio sistemetan, gaitasun eta teknologia gorakor berriak aprobetxatzea produktu eta prozesu berrietan, material aurreratuak txertatzea balio erantsi handiagoko konponbideetan edo prozesu hobetuetan, erabiltzen diren baliabideen eraginkortasuna eta sostengarritasuna zaintzea eta balio erantsi handiko zerbitzuak integratzea.

Adegi

ADEGI Gipuzkoako Enpresen Elkartea da, enpresa-jardueraren sustapenean 35 urte baino gehiagoko historia duen elkarte pribatua.

Xede horrekin ordezkatzen ditu enpresak erakundeen eta eragile sozialen aurrean, aholkularitza eta prestakuntza eskaintzen die enpresei eta horien arteko lankidetza-sare sendoa osatzen du.

BESTE ERAGILE SOZIOEKONOMIKO BATZUK

Cebek

Bizkaiko Enpresarien Konfederazioa (CEBEK) irabazi asmorik gabe sortutako lurraldeko enpresa-erakundea da, borondatezko kideak dituena eta federazioek, elkarteek eta enpresek osatua; elkartearen misioa da gizartearen aurrean eta elkartea osatzen dutenengan eragina duten instituzio publiko eta pribatuen aurrean gure elkartekideen interesak ordezkatzea eta defenditzea, betiere, enpresen lehiakortasuna hobetzea bilatuz.

Sea

SEA 1971n sortu zen, baina 1978an izendatu zuten ofizialki elkarte. Hasiera batean, metalaren sektorea hartzen zuen eta, gaur egun, enpresa sektore guztiak hartzen ditu.

Bizkaiko CEBEK elkartearekin eta Gipuzkoako ADEGIrekin batera, CONFEBASK osatzen du, eta hori, aldi berean, Espainiako Enpresaburuen Elkarteen Konfederazioaren (CEOE) barruan dago. Horri esker, Arabako enpresen ordezkaritza nazio mailan handitzea lortu zen.