4guneko Ikastaro Exekutibo berri honek industria adimendunean espezializatutako unibertsitate arteko prestakuntza bat aurkezten du, enpresen beharren eta joera sozioekonomikoen neurrira egina, formatu arinarekin eta ikuspegi praktikoarekin.
Euskadiko Ingeniaritza, Zientzia eta Teknologia fakultate eta eskolen eta BRTA Aliantza Teknologikoaren arteko lankidetzan oinarritzen da, eta parte hartzaileei irakaskuntzako esperientzia bikaina eta harremanen arloko balio handia eskaintzen die.
Zer emango dizu ikastaroak?
4guneko ikastaro exekutiboak honako hau eskaintzen du:
Datuak aztertzeko abangoardiako plataforma teknologiko-digitalen artearen egoera ezagutzea, baita industria adimendunari buruzko kasu arrakastatsuak eta euskal enpresen benetako premiei eta haien helburu estrategikoei erantzuteko erabakiak hartzeari buruzko kasu praktikoak ere.
Diziplina anitzeko irakaskuntza, zeharkakoa eta aditua, Euskal unibertsitate sistemako Ingeniaritza, Zientzia eta Teknologiako fakultate eta eskolen eta BRTAko (Basque Research and Technology Alliance) eta industriako zentroetako profesionalen eskutik.
Ingurune parte-hartzailea eta multilokalizatua, industria adimendunaren arloko profesionalen arteko ezagutza trukea eta lankidetza errazten dituena.
Zer ikastaro mota da?
Ikastaro exekutiboa / Short Learning Programme
Teoriko-praktikoa, benetako arrakasta kasuen eta ikasteko bisiten bidez.
Aurrez aurrekoa
Programan parte hartzen duten fakultateak eta BRTA zentroak
40 ordu
Ostegun eta ostiraletan, 15:00etatik 19:00etara
20 gehienez
875 EUR
Nori dago zuzenduta prestakuntza?
Prestakuntzaren helburua da euskal enpresetako profesionalei gaikuntza edo kualifikazio praktiko eta dinamikoa ematea, beren erakundeetan industria adimenduna bultzatzen laguntzeko tresnak eskura ditzaten, abangoardiako teknologien ezagutzaren eta datuen azterketaren bitartez.
Enpresan erabakiak hartzeko gaitasuna (produkzio lerroetako inbertsioari, produktuen garapenari edo hornidura kateari buruzkoak, besteak beste) duten kudeaketako profilei eta bitarteko postuei (arlo/sail/zerbitzuko zuzendariak) zuzenduta dago.
Industriaren eraldaketa digitalaren arloan dituzten ezagutzak eguneratzea eta gaitasun berriak eskuratzea (lidergo gaitasunak, kudeaketa eraginkorra, baliabideen mobilizazioa eta erabaki exekutiboak hartzea) bilatzen duten profesionalentzat diseinatua.
Lanbide ibilbidea eta prestakuntza mailak baloratuko dira.
Zer eduki jorratuko da?
Aurkezpena
Bloke honetan Big Datako gaiei buruzko oinarrizko ezagutzak aurkeztuko dira, eta adimen artifizialaren eta algoritmiaren arloko kontzeptuak ezagutzeko tresna batzuk emango dira.
Era berean, datuak erabakiak hartzeko benetako prozesuetarako erabiliko diren kasuak aurkeztuko dira, eta prozesu hori nola hobetzen den aztertuko da.
Saioak
1. Business Intelligence-rako aurkezpena, bi kasu praktikotan oinarrituta.
2. Big Dataren kontzeptuak eta aplikazioak erabakiak hartzeko.
3. Nola bihurtu arrakasta Big Data zure enpresarentzat, ikuspegi tekniko-teknologikotik eta ikuspegi juridiko-erregulatorio-komertzialetik.
4. Fabrikazioaren produktibitatearen optimizazioa: analisia eta soluzioak Fagor Digital Suiteren bidez.
Arrakasta kasuak: CEIT, AMAZON, Grupo LANIT, BSK Abogados, Fagor Digital Suite eta Ideko.
Aurkezpena
AAk aurrera egin du pixkanaka azken 50 urteetan, baina duela gutxi jauzi kualitatibo bat egin da, eta horrek hainbat arlotan aplikatzeko aukera eman du: zientzian, ekonomian, industrian eta kulturan.
Gai-multzo honetan funtsezko ezagutza partekatuko da, AA enpresetan aplikatzea oso arrakastatsua izan dadin.
Blokea bi ikuspegitatik lantzen da: batetik, teknikatik, eta, bestetik, AA negozio-estrategia baten barruan aplikatzetik.
Era berean, lehen lerroko enpresa- eta industria-aplikazio arrakastatsuen kasuak aurkeztuko dira.
Saioak
1. Industrian Adimen Artifizialaren arrakasta ziurtatzen duten hurbilketak.
2. AAren metodoak eta arloak eta Hizkuntza Naturalaren Prozesamenduaren (NLP).
Arrakasta kasuak: Grupo INZU-Talens, IDOM eta VICOMTECH.
Aurkezpena
Bloke honetan, zibersegurtasunak enpresan eta industrian dituen erronkak eta aukerak aurkeztuko dira.
Informazio korporatiboaren segurtasunaren alderdi nagusiak ere landuko dira, eta Gobernua eta Informazioaren Segurtasunaren Kudeaketa, Arriskuen Analisia eta araudia betetzea azpimarratuko dira.
Azkenik, erreferentziazko enpresetan arrakasta izan duten kasuak aurkeztuko dira.
Saioak
1. Zibersegurtasuna nire enpresaren lehiakortasun-aktibo gisa barneratuta.
2. Informazio korporatiboaren segurtasuna: Gobernua, Arriskuak eta Betetzea (GRC)
Arrakasta kasuak: Titanium Industrial Security, Deustuko Unibertsitatea, Ikerlan.
BRTA zentroak: TECNALIA, VICOMTECH, IKERLAN & TEKNIKER.
Wolfram Rozas
Director of Post-Graduated Programs in Big Data & Business, Industria Antolakuntzako Eskola
Saioa Arizabalaga
Director of Data Analysis and Information Management Group, Ceit Teknologia Zentroa
Íñigo Gutiérrez
Garapeneko zuzendaria eta Ingeniaritza Elektriko eta Elektronikoko Departamentuko irakasle titularra, Tecnun, Nafarroako Unibertsitatea
Javier Lastra
Managing Partner, LANIT Consulting
Ramón Solórzano
Merkataritza Zuzenbidea eta Zuzenbide Digitala, BSK Abogados
Beñat Gallastegi
Irakaslea eta ikertzailea Ingeniaritza Dualaren Unibertsitate Eskolan, IMH Campusa
Igor Murgiondo
Service Business Director, Fagor Automation S. Coop-en
Aitor Fernández
Project Manager, Ideko-n
Patxi Samaniego
Berrikuntzako zuzendaria, Inzu Group
Álvaro Barrios
Errealitate Birtualaren, Areagotuaren eta Simulazioaren arduraduna, IDOM
German Rigau Claramunt
Unibertsitateko irakasle titularra. HiTZeko (Basque Research Center for Language Technologies) zuzendariondokoa. Donostiako Informatika Fakultatea, UPV/EHU
Aitziber Atutxa Salazar
Unibertsitateko irakasle agregatua, Bilboko Ingeniaritza Eskola, UPV/EHU
Koldo Gojenola Galletebeitia
Informatika Fakultateko irakaslea UPV/EHU. Irakasle titularra, Bilboko Ingeniaritza Eskola, UPV/EHU
Irakaslea baieztatzeke
Pablo García Bringas
Kanpo Harremanetarako dekanordea eta Industria Digitaleko Deustu Katedrako zuzendaria
Jesús Lizarraga
MGEP-MUko Telematika eta Zibersegurtasun Arloko koordinatzailea
David González
Zibersegurtasun Industrialeko arduraduna, ikerlan
Borja Lanseros
Titanium Industrial Security-ko CEO
Bisitak baieztatzeke
Nork eskaintzen eta egiaztatzen du prestakuntza?
4gune - Industria Adimendunerako Ingeniaritza, Zientzia eta Teknologiako Euskal Klusterra
- Ixaka Egurbide, IMH Fabrikazio Aurreratuaren eta Digitalaren Campusa
- Koldo Gojenola, Informatika Fakultatea, Euskal Herriko Unibertstitatea
- Pablo García Bringas, Ingeniaritza Fakultatea, Deustuko Unibertsitatea
- Jesús Lizarraga, Goi Eskola Politeknikoa, Mondragon Unibertsitatea
- Iñigo Gutierrez, Tecnun, Nafarroako Unibertsitatea
BRTA Aliantza Teknologikoa
Euskampus Fundazioa
Ikastaro exekutiboan parte hartzeko interesa duten pertsonek 4gune@4gune.eus helbidera idatzi dezakete.
Ikastaroaren datak plaza-kopurua bete ondoren helaraziko dira.