Enpresa + Unibertsitatea

4gune Enpresa+Unibertsitateak industria adimendunarekin lotutako eragile akademiko eta profesionalen arteko lotura sustatu nahi du, eta lankidetza erraztu, Euskadiko esparru estrategiko honen egungo erronkei aurre egiteko.

Programak, besteak beste, honako hauek eskaintzen ditu:

1. Industria adimendunak euskal unibertsitate-sisteman duen ordezkaritzari buruzko ezagutza espezializatua.
2. Berariazko enpresa- edo sektore-eskaeretara egokitutako programak.
3. Enpresa-aholkularitza eta neurrirako hezkuntza-programak sortzea.
4. Enpresak Euskadiko lehen mailako talentu zientifiko-teknologikora eta beren erronketarako irtenbide berritzaileetara iristea.

4gune Enpresa+Unibertsitatea industria adimendunaren sektoreko enpresa liderrekin lankidetzan ari da, sektore akademikoaren eta enpresaren arteko ezagutza transferitzen eta Euskadin talentua sustatzen lagunduko duten deialdiak abian jartzeko.

Gaur egun, erronketan oinarritutako 2 deialdi ditu urtero:

1. 4gune + Siemens Gamesa (energia-sektorea)
2. 4gune + Automotive Intelligence Center (automobilgintzaren sektorea)

4gunek Gune+ komunitate birtuala du, industria adimendunaren sektoreko hainbat lankidetza, ekitaldi eta proiektu eskaintzen dituena.

Gune+ek unibertsitate-zentroak eta enpresak konektatzen laguntzen du, 4gune Enpresa+Unibertsitatea deialdietan aurkeztutako erronketan parte hartzeko eta baterako proiektuak garatzeko.

Egin bat gure komunitate birtualarekin Gune+en.
Ezagutu eta partekatu KSIen sektorearen aukerak.