Europako Batzordeak Gaitasunen aldeko Europako Itunaren 4. urteurrenaren esparruan aitortutako ekimenen artean sartu du 4gune - Euskadiko Ingeniaritza, Zientzia eta Teknologia Klusterra; bai 4gune, bai bere ekosistema lagungarri izango dira Euskadiko talentua eta lehiakortasuna garatzen 2030erako.

European Pact for Skills programaren barruan dauden Regional Skills Partnership (RSP) ekimenak lankidetzan oinarritzen dira, eta ekosistema industrialak konektatzeko eta gaitasunen gabeziei eta talentuaren garapenari eskualde mailan aurre egiteko diseinatzen dira. Orain arte, prozesu zorrotz bat gainditu ostean, 9 ekimen aitzindari aukeratu ditu Europako Batzordeak ekimenean parte hartzeko. Horietako bat da KSIgune, KSIen sektorean Europa mailan dagoen gaitasunen aldeko lehen aliantzatzat aitortua martxoan.

Europako esparru horretan laguntzeko hautatu dute 4gune, industria aurreratu berriaren bereizgarri diren aldetik, sektoreko aldaketa teknologikoei eta eskaerei erantzutea eta Unibertsitatea industriarekin lotzea helburu duten ekintzen bitartez.

Besteak beste, Euskadirentzat estrategikoak diren esparruetan –hala nola industria adimendunean– prestakuntzako eta ikerketako unibertsitate-eskaintza ikusgai egitea; ingeniaritzan, zientzian eta teknologian gaitasunak eta konpetentziak areagotuko dituzten unibertsitatearteko programak garatzea; ezagutzaren transferentzia 4gune Enpresa + Unibertsitatea programaren bitartez; edo aliantza berriak sortzea eraldaketa digitalari erantzuteko, eta talentuaren garapena eta lehiakortasuna areagotzen laguntzeko.

 

Informazio gehiago

4gune Regional Skills Partnership ekimenari buruz gehiago jakiteko, egin klik hemen.

 

Albisteak, lotutako berriak