UPV/EHUk, Deustuko Unibertsitateak eta Mondragon Unibertsitateak, 4gune ekosistemako kide diren aldetik, 2023/24 ikasturteko 4gune Enpresa+Unibertsitatea programako “AIC Open University” deialdiari erantzun diote. Horrela, 13 proiektu aurkeztu dituzte unibertsitatearen ezagutza enpresetara transferitzeko asmoz, ardatz hartuta diseinua, simulazioa, materialak eta fabrikazio teknologia aurreratuak, eta ibilgailuaren hainbat kontzepturi begira.
4gune Enpresa+Unibertsitatea programaren helburua da industria adimendunarekin lotura duten eragile akademikoen eta profesionalen arteko lotura bultzatzea. “AIC Open University” Automobilgintzako Unibertsitate Gelak programa horrekin elkarlanean jarraitzen du, gazteak erakarri, prestatu eta mugikortasunaren sektorera bideratzeko asmoz. Horretarako, ikasturte honetan 19 erronka aurkeztu dira industria adimendunaren arlo teknologikoetan eta aplikazio esparruetan, mugikortasunaren sektoreko fase guztietarako.
Hauxe adierazi du AICk: “Urte hauetan, AICk beste erronka batzuei ekin die sektorea eraldatu eta aukera berriak sortu ahala; adibidez, ardatz hartuta mugikortasunaren kontzeptu berriak, hala nola bizikleta. 4gunerekin dugun lankidetzari esker, balio teknologiko handiko proiektuak jarri dira abian edizio honetan, ikuspegi praktikoarekin eta emaitzetara bideratuta. Horri esker, jauzi kualitatibo bat egingo dugu funtsezko ezagutza arloetan, eta sektorean gero eta gehiago eskatzen diren gaitasun profesionalak garatuko dira”.
Hona hemen 2023/24 deialdian hautatutako proiektuak, 51 ikasleen partehartzea dutenak:
|
ERRONKA |
UNIBERTSITATEA |
PROIEKTU MOTA |
|
Toyota Prius ibilgailu modeloaren baliozkotze numeriko-esperimental aurreratua, IPG CarMaker oinarrian |
Deustuko Unibertsitatea |
MAL, Diseinua eta Fabrikazioa |
|
Pneumatikoaren eta errepidearen arteko interakzioa aztertzea gidatzeko simulagailu batean |
Deustuko Unibertsitatea |
MAL, Diseinua eta Fabrikazioa |
|
Ibilgailu arin baten modeloa diseinatzea eta garatzea IPG Carmaker-en |
Deustuko Unibertsitatea |
MAL, Diseinua eta Fabrikazioa |
|
CAE simulazioa egin eta fabrikazioa baliozkotzea automobilgintzako osagai hibridoetan aplikatuta, konpresio bidezko moldekatzearen bidez |
Deustuko Unibertsitatea |
GRAL |
|
Autobus elektrikoen autonomia luzatzeko hidrogenozko erregai pila txertatzeari buruzko azterlana |
Deustuko Unibertsitatea |
MAL, Diseinua eta Fabrikazioa |
|
Ikuskapen artifizialeko teknologia berriak garatzea Deep Learning bidez |
Mondragon Unibertsitatea |
Prestakuntza duala / GRAL |
|
ASF lerroan kontsumoen, kalitatearen eta fabrikazioaren arteko oreka aztertzea biki digitalaren bitartez |
Mondragon Unibertsitatea |
MAL |
|
Fabrikazio prozesu automatizatu bateko komunikazioak aztertzea eta datu biltegi bat sortzea |
UPV/EHU |
MAL, Industria Ingeniaritza, automatika eta kontrolaren espezialitatea |
|
ASF arloan fabrikazio aurreratuko prozesurako pieza berri bat diseinatzea |
Mondragon Unibertsitatea |
Prestakuntza duala / GRAL |
|
Bizikleten punta-puntako osagaiak aztertzea edo benchmarking-a |
Mondragon Unibertsitatea |
MAL, Diseinu Masterra |
|
Bizikleten punta-puntako osagaiak aztertzea edo benchmarking-a |
Deustuko Unibertsitatea |
Zientzia eta Materialen Prozesamendua irakasgaia, Industria Diseinuko Ingeniaritzako 2. maila |
|
Bizikleten fabrikazioko konposite produktuak eta teknologiak aztertzea |
Deustuko Unibertsitatea |
GRAL |
|
Cargo bizikleta elektriko urbano baten prototipoa diseinatzea eta fabrikatzea |
Mondragon Unibertsitatea |
MAL, Diseinu Masterra |
Informazio gehiago
4gune Enpresa + Unibertsitatea programaren esparruan garatutako beste proiektu batzuk ezagutzeko, Proiektuak atala bisitatu.
Albisteak, lotutako berriak
-
4gune, Europako Regional Skills Partnership berria
4GuneEuropako Batzordeak Gaitasunen aldeko Europako Itunaren 4. urteurrenaren esparruan aitortutako ekimenen artean sartu du 4gune - Euskadiko Ingeniaritza, Zientzia eta Teknologia Klusterra; bai 4gune, bai bere ekosistema lagungarri izango dira Euskadiko talentua eta lehiakortasuna garatzen 2030erako.
-
Irene Martínez: “4gune + PARKE Programak talentuaren eta tokiko industria aurreratuaren alde lan egiten laguntzen digu”
4GuneCyber Surgery enpresa, kirurgia robotiko aurreratuan espezializatua, erakunde aitzindaria da bere sektorean. Talentua erakartzeko eta leialtzeko estrategiaren esparruan, enpresak 4gune + PARKE programan parte hartu du. Irene Martínezek, Cyber Surgeryko HR & Administration Manager-ek, industriarako profil berrien beharraz eta erronka horri erantzuteko Unibertsitatea + Enpresa lankidetzaren garrantziaz hitz egin digu.
-
4gunek bat egin du “Universities for Goal 13” mundu mailako lehiaketarekin
4GuneSDSNko kide diren Euskadiko erakundeetako, hau da, UPV/EHUko eta Deustuko Unibertsitateko ikasleak NBEren mundu mailako lehiaketan parte hartzera gonbidatuta daude, trantsizio energetikoari heltzeko. Edizio honetan, 4gunek bi erakundeei lagunduko die eskaera eta hautaketa prozesuan.